क॒था शृ᳚णोति हू॒यमा᳚न॒मिन्द्र᳚ः क॒था शृ॒ण्वन्नव᳚सामस्य वेद ।
का अ᳚स्य पू॒र्वीरुप᳚मातयो ह क॒थैन᳚माहु॒ः पपु᳚रिं जरि॒त्रे ॥
का अ᳚स्य पू॒र्वीरुप᳚मातयो ह क॒थैन᳚माहु॒ः पपु᳚रिं जरि॒त्रे ॥
पदपाठः (Word-by-word)
क॒था । शृ॒णो॒ति॒ । हू॒यमा᳚नम् । इन्द्रः᳚ । क॒था । शृ॒ण्वन् । अव᳚साम् । अ॒स्य॒ । वे॒द॒ ।
काः । अ॒स्य॒ । पू॒र्वीः । उप᳚॑मातयः । ह॒ । क॒था । ए॒न॒म् । आ॒हुः॒ । पपु᳚रिम् । ज॒रि॒त्रे ॥
काः । अ॒स्य॒ । पू॒र्वीः । उप᳚॑मातयः । ह॒ । क॒था । ए॒न॒म् । आ॒हुः॒ । पपु᳚रिम् । ज॒रि॒त्रे ॥
सायणभाष्यम् (Sayana Commentary)
इन्द्रः परमैश्वर्ययुक्तो हूयमानमाह्वयन्तं स्तोतारं कथा कथं शृणोति । स्तोत्राणि शृण्वन्नस्य स्तोतुः सम्बन्धीन्यवसां रक्षणानि कथा कथं च वेद । वेत्ति । पूर्वीः पुरातनान्यस्येन्द्रस्य सम्बन्धीन्युपमातयो दानानि का ह । कानि चित् सन्तीति शेषः । तानि दानानि जरित्रे स्तोतुः सम्बन्धिनां कामानां पपुरिं पूरयितारमेनमिन्द्रं कथा कथं चाहुः । वदन्ति ॥ ३ ॥