किमादम᳚त्रं स॒ख्यं सखि᳚भ्यः क॒दा नु ते᳚ भ्रा॒त्रं प्र ब्र᳚वाम ।
श्रि॒ये सु॒दृशो॒ वपु᳚रस्य॒ सर्गा॒ः स्व१॒᳚र्ण चि॒त्रत᳚ममिष॒ आ गोः ॥
श्रि॒ये सु॒दृशो॒ वपु᳚रस्य॒ सर्गा॒ः स्व१॒᳚र्ण चि॒त्रत᳚ममिष॒ आ गोः ॥
पदपाठः (Word-by-word)
किम् । आत् । अम᳚त्रम् । स॒ख्यम् । सखि᳚॑भ्यः । क॒दा । नु । ते॒ । भ्रा॒त्रम् । प्र । ब्र॒वा॒म॒ ।
श्रि॒ये । सु॒॑दृशः᳚ । वपुः᳚ । अ॒स्य॒ । सर्गाः᳚ । स्वः᳚ । न । चि॒त्र॑त᳚मम् । इ॒षे॒ । आ । गोः ॥
श्रि॒ये । सु॒॑दृशः᳚ । वपुः᳚ । अ॒स्य॒ । सर्गाः᳚ । स्वः᳚ । न । चि॒त्र॑त᳚मम् । इ॒षे॒ । आ । गोः ॥
सायणभाष्यम् (Sayana Commentary)
हे इन्द्र वयं यजमानास्ते त्वदीयममत्रं शत्रूनभिभावुकं सख्यं सखिकर्म सखिभ्यः स्तोतृभ्यः किमात् किं स्वित् प्र ब्रवाम । प्रकर्षेण वदेम । ते त्वदीयं भ्रात्रं भ्रातृकर्म च कदा नु कदा खलु प्र ब्रवाम । सुदृशः शोभनदर्शनस्यास्येन्द्रस्य सम्बन्धिनः सर्गा उद्योगाः श्रिये सर्वेषां स्तोतॄणां श्रेयसे । भवन्तीति शेषः । स्वर्ण सूर्यो यथा दर्शनीयतमस्तथा गोर्गन्तुरिन्द्रस्य चित्रतमं दर्शनीयतमं वपुः शरीरमेषे । आ समन्तात्सर्वैरिषुयते ॥ ६ ॥