अस्याग्नेरुपरि सम्यक् स्रवन्ति । क्षरन्ति । घृतस्य धाराः । किमिव । सरितो न धेनाः प्रीणयित्र्यो नद्य इव । अन्तर्हृदा मनसा हृदयमध्यगतेन चित्तेन । भावनासचिवेनेति यावत् । तेन पूयमानाः शुद्धीकृताः । तेदेवोच्यते । एते घृतस्योर्मयो रसा अर्शन्ति । गच्छन्ति । जुह्वाः सकाशादग्नेरुपरि पतन्ति । किमिव । क्षिपणोः क्षेपकाद्व्याधादिषमाणाः पलायमाना मृगा इव । ते यथा कक्शं प्रविशन्ति तद्वत् । अनेन शैघ्र्यमुक्तं भवति ॥ ६ ॥