अग्ने मृळेत्यष्टर्चं नवमं सूक्तं वामदेवस्यार्षं गायत्रीछन्दस्कमग्निदेवताकम् । अनुक्रान्तं च । अग्ने मृळेति । द्वितीये छन्दोम इदं सूक्तं जातवेदस्यनिविद्धानीयम् । सूत्रितं च । क्रीळं वः शर्धोऽग्ने मृळेत्याग्निमारुतम् । आ. ८-१० । इति ॥

हे अग्ग्ने मृळ । अस्मान् सुखय । सत्वं महानसि । प्रभुतो भवसि । यस्त्वमीमिमं देवयुं देवानां कामयितारं जनं यजमानं बर्हिर्दर्भमासदं यज्ञ आसत्तुमा इयेथ । आगच्छसि ॥ १ ॥