स सद्म॒ परि᳚ णीयते॒ होता᳚ म॒न्द्रो दिवि᳚ष्टिषु ।
उ॒त पोता॒ नि षी᳚दति ॥
उ॒त पोता॒ नि षी᳚दति ॥
पदपाठः (Word-by-word)
सः । सद्म᳚ । परि᳚ । नी॒य॒ते॒ । होता᳚ । म॒न्द्रः । दिवि᳚ष्टिषु ।
उ॒त । पोता᳚ । नि । सी॒द॒ति॒ ॥
उ॒त । पोता᳚ । नि । सी॒द॒ति॒ ॥
सायणभाष्यम् (Sayana Commentary)
सोऽग्निः सद्म यज्ञगृहं परि णीयते । ऋत्विग्भिः परितो नीयते । नीयमानः सन् दिविष्टिषु यागेषु मन्द्रो मदनीयः स्तुत्यः सोऽग्निर्होता च भवति । उतापि च पोता सन्नि षीदति । यज्ञगृह उपविशति ॥ ३ ॥