वेषि॒ ह्य᳚ध्वरीय॒तामु᳚पव॒क्ता जना᳚नाम् ।
ह॒व्या च॒ मानु᳚षाणाम् ॥
ह॒व्या च॒ मानु᳚षाणाम् ॥
पदपाठः (Word-by-word)
वेषि᳚ । हि । अ॒ध्व॒रि॒॑य॒ताम् । उ॒प॒॑व॒क्ता । जना᳚नाम् ।
ह॒व्या । च॒ । मानु᳚षाणाम् ॥
ह॒व्या । च॒ । मानु᳚षाणाम् ॥
सायणभाष्यम् (Sayana Commentary)
अध्वरीयतां यज्ञमिच्छतां मानुषानां मनुसम्बन्धिनां जनानां हव्या च हव्यानि हवींषि हे अग्ने वेषि हि । कामयसे खलु । उपवक्ताध्वर्युप्रभृतीनां सर्वेषां कर्मणामनुज्ञार्थं मां प्रनयेत्यादिरूपस्य वाक्यस्य वक्ता सन् ब्रह्मा चासि । ब्रह्मा त्वो वदति जातविद्याम् । ऋग्वे. १०-७१-११ । इति श्रुतेः । उपवक्ता सर्वेषां कर्मणामवैकल्यार्थमुपद्रष्टा वा सदस्योऽसि । स हि सप्तदशः कर्मणामुपद्रष्टा भवतीत्यापस्तम्बेनोक्तत्वात् ॥ ५ ॥