हे इन्द्राग्नी वां युवयोस्तविषाणि बलानि प्रयाम्स्यन्नानि च सधस्थानि परस्परमवियुज्य वर्तन्ते । तथात्पूर्यं वृष्टिद्वारा प्रेरकत्वं युवोर्युवयोरेव हितं निहितं वर्तते । तस्मात्सोमपानप्रभृतिषु सर्वकर्मस्विन्द्राग्न्योः सहैव वर्तमानत्वमिति भावः । वाम् । षष्ठीद्विवचने वामित्यादेशः । सधस्थानि । ष्ठा गतिनिवृत्तौ । अतोऽनुपसर्गे कः । सध मादस्थयोश्छन्दसीति सहस्य सधादेशः । ॥ ८ ॥