म॒रुत्वा{4}᳚ इन्द्र वृष॒भो रणा᳚य॒ पिबा॒ सोम᳚मनुष्व॒धं मदा᳚य ।
आ सि᳚ञ्चस्व ज॒ठरे॒ मध्व᳚ ऊ॒र्मिं त्वं राजा᳚सि प्र॒दिवः᳚ सु॒ताना᳚म् ॥
आ सि᳚ञ्चस्व ज॒ठरे॒ मध्व᳚ ऊ॒र्मिं त्वं राजा᳚सि प्र॒दिवः᳚ सु॒ताना᳚म् ॥
पदपाठः (Word-by-word)
म॒रुत्वा᳚न् । इ॒न्द्र॒ । वृ॒ष॒भः । रणा᳚य । पिब᳚ । सोम᳚म् । अ॒नु॒॑स्व॒धम् । मदा᳚य ।
आ । सि॒ञ्च॒स्व॒ । ज॒ठरे᳚ । मध्वः᳚ । ऊ॒र्मिम् । त्वम् । राजा᳚ । अ॒सि॒ । प्र॒॑दिवः᳚ । सु॒ताना᳚म् ॥
आ । सि॒ञ्च॒स्व॒ । ज॒ठरे᳚ । मध्वः᳚ । ऊ॒र्मिम् । त्वम् । राजा᳚ । अ॒सि॒ । प्र॒॑दिवः᳚ । सु॒ताना᳚म् ॥
सायणभाष्यम् (Sayana Commentary)
सजोषा इन्द्रेति मरुत्वतीयग्रहस्य याज्या । सूत्रितं च । सजोषा इन्द्र सगणो मरुद्भिरिति भक्षयित्वैतत्पात्रम् । आ. ५-१४ ॥ इति ॥
हे शूर बलवन् हे इन्द्र सजोषाः सङ्गतो देवैर्मरुद्भिः सगणो मरुद्भिरेव वृत्रहा वृत्रस्य हन्ता विद्वान्कर्मविषयाभिज्ञस्त्वं सोमं पिब । ततो नः शत्रून् जहि । मृधो हिंसकान् शत्रूनपनुदस्व । यद्वा मृधः । हिंस्यन्तेत्र प्राणिन इति मृधः सङ्ग्रामाः । तत्र वर्तमानान् शत्रूनपनुदस्व । अथानन्तरं नोऽस्माकं विश्वतः सर्वतोऽभयं कृणुहि । कुरु । सर्वतो भयरहितानस्मान्कुर्वित्यर्थः ॥ वृत्रहा । हन्तेर्ब्रह्मभ्रूण्णवृत्त्रेषु क्विप् । अभयम् । ञीभी भय इत्यस्मादेरच् । नञा समासे तस्य स्वरः । विश्वतः । पञ्चम्यास्तसिल् । लित्स्वरः ॥ १ ॥