उत पै च हे ऋतुपाः कालनिर्वाहकतया ऋतूनां पातः । ऋतुषु सोमं पिबतीति वा ऋतुपाः । यद्वा ऋतुभिर्मरुद्भिः सह सोमं पिबतीति ऋतुपाः । तादृश हे इन्द्र सखिभिः समानख्यानैऋतुभिर्मरुद्भिर्देवेभिर्देवैः सहितस्त्वं नः सम्बन्धिनं सुतमभिषुतं सोमं पाहि । पिब । किञ्च यान्मरुत आभजोयुद्धसहायार्थमसेवथा ये च मरुतस्त्वा त्वां युद्धे स्वामिनमन्वभजन्त । ततस्त्वं वृत्रमहन् । हतवानसि । ते मरुतस्तुइभ्यं त्वदर्थमोजो युद्धे शत्रुहननादिरुपं पराक्रममदधुः । अकुर्वन् । अभजः । भज सेवायामित्यस्य लङि रूपम् । यद्वृत्तयोगादिनिघातः । अहन् । हन हिम्सागत्योरित्यस्य लङि सिपो हल्ङ्यादिना लोपः । पादादित्वादनिघातः । अदधुः । दधातेर्लङि झेः सिजभ्यस्तेति जुस् । वाक्यभेदादनिघातः ॥ २ ॥