सहसः सूनो बलस्य पुत्र जातवेदो जातप्रज्ञ हे अग्ने नित्योऽविनाशी ऊती ऊत्या रक्षणेन सधस्थानि प्राणिनां निवासभूताम्ल्चोकान्महयमानः परिचरं स्त्वमपां दुरोणेऽपां स्थानेऽतरिक्षे समिध्यसे । सम्यग्दीप्यसे ॥ दुरोणे । अव रक्षण इत्यस्मादौणादिको नक्प्रत्ययः । ज्वरत्वरेत्यादिना ऊट् । गुणः दुरोण इति गृहनाम । दुरवा भवन्ति । नि. ४-५ । इति यास्कः । प्रत्यय स्वरः । महयमानः मह पूजायाम् । व्यत्ययेन शानच् । शानचो लसार्वधातुकस्वरेणानुदात्तत्वेणिच् स्वरः । ऊती । अव रक्षणादिषु । ऊतियूतिजूतीत्यादिना निपातनादन्तोदात्तः । सुपां सुलुगिति तृतीयायाः सवर्णदीर्घः ॥ ५ ॥