हे इन्द्र कुविदपि च मा मां जनस्य गोपां गोप्तारं करसे । कुरु । तथा हे मघवन्धनवन्नृजीषिन्सोमवन् हे इन्द्र मां राजानं सर्वस्य स्वामिनं कुरु । कुविच्च मा मामृषिमतीन्द्रियार्थस्य द्रष्टारं कुरु । ऋषिर्दशनादिति यास्कः । तथा सुतस्याभिशुतस्य सोमस्य पपिवांसं पातारं कुरु । अपि च मे मह्यममृतस्य क्षयरहितं वस्वो वसु शिक्षाः । प्रयच्छ । करसे । कृञ् करणे । लेट्यडागमे रूपम् । कुविद्योगादनिघातः । म ऋषिमित्यत्र सम्हितायामृत्यक इति प्रकृतिभावो ह्रस्वश्च । पपिवांसम् । पा पान इत्यस्य क्वसौ वस्वेकाजाद्घसामितीडागमः । प्रत्ययस्वरः । शिक्शाः । शिक्शतिर्दानकर्मा । अस्माल्लेट्याडामे रूपम् । कुविद्योगादनिघातः । आगमा अनुदात्ता इत्याटोऽनुदात्तत्वे धातुस्वरः ॥ ५ ॥