इन्द्र᳚ ऋभु॒मान्वाज᳚वान्मत्स्वे॒ह नो॒॑स्मिन्त्सव᳚ने॒ शच्या᳚ पुरुष्टुत ।
इ॒मानि॒ तुभ्यं॒ स्वस᳚राणि येमिरे व्र॒ता दे॒वानां॒ मनु᳚षश्च॒ धर्म᳚भिः ॥
इ॒मानि॒ तुभ्यं॒ स्वस᳚राणि येमिरे व्र॒ता दे॒वानां॒ मनु᳚षश्च॒ धर्म᳚भिः ॥
पदपाठः (Word-by-word)
इन्द्र᳚ । ऋ॒भु॒॑मान् । वाज᳚॑वान् । म॒त्स्व॒ । इ॒ह । नः॒ । अ॒स्मिन् । सव᳚ने । शच्या᳚ । पु॒रु॒॑स्तु॒त॒ ।
इ॒मानि᳚ । तुभ्य᳚म् । स्वस᳚राणि । ये॒मि॒रे॒ । व्र॒ता । दे॒वाना᳚म् । मनु᳚षः । च॒ । धर्म᳚॑भिः ॥
इ॒मानि᳚ । तुभ्य᳚म् । स्वस᳚राणि । ये॒मि॒रे॒ । व्र॒ता । दे॒वाना᳚म् । मनु᳚षः । च॒ । धर्म᳚॑भिः ॥
सायणभाष्यम् (Sayana Commentary)
पुरुष्टुत बहुभिः स्तुत हे इन्द्र ऋभुमान् ऋभुणा तद्वान् वाजवान् वाजेन ऋभोर्भ्रात्रा युक्रः शच्येन्द्राण्या कर्मणा वा सहितः सन् नोऽस्माकमिह कर्मण्यस्मिन् तृतीयसवने मत्स्व । हृष्टो भव । हे इन्द्र तुभ्यं त्वदर्थमिमानि स्वसराण्यहानि येमिरे । तव सोमपानार्थं त्रिषु सवनेशु नियतान्यासते । किञ्च देवानामग्न्यादीनां व्रता व्रतानि कर्माणि च मनुषो मनुष्यस्य धर्मभिः कर्मभिः साकं त्वदर्थं नियतान्यासते ॥ ६ ॥