प्र ते᳚ वोचाम वी॒र्या॒३॒᳚ या म᳚न्दसा॒न आरु᳚जः ।
पुरो॒ दासी᳚र॒भीत्य᳚ ॥
पुरो॒ दासी᳚र॒भीत्य᳚ ॥
पदपाठः (Word-by-word)
प्र । ते॒ । वो॒चा॒म॒ । वी॒र्या᳚ । याः । म॒न्द॒सा॒नः । आ । अरु᳚जः ।
पुरः᳚ । दासीः᳚ । अ॒भि॒॑इत्य᳚ ॥
पुरः᳚ । दासीः᳚ । अ॒भि॒॑इत्य᳚ ॥
सायणभाष्यम् (Sayana Commentary)
हे इन्द्र मन्दसानः सोमेन मोदमानस्त्वं दासीः क्षेप्तुरसुरस्य स्वभूता याः पुरो यानि नगराण्यभीत्याभिगम्यारुजः । आ समन्तादभाङ्क्षीः । हे इन्द्र ते त्वदीयानि तत्रत्यानि वीर्या वीर्याणि वयं स्तोतारः प्र वोचाम । प्रकर्षेण वदाम ॥ १० ॥