अ॒र्वा॒ची॒नो व᳚सो भवा॒स्मे सु म॒त्स्वान्ध᳚सः ।
सोमा᳚नामिन्द्र सोमपाः ॥
सोमा᳚नामिन्द्र सोमपाः ॥
पदपाठः (Word-by-word)
अ॒र्वा॒ची॒नः । व॒सो॒ इति᳚ । भ॒व॒ । अ॒स्मे इति᳚ । सु । म॒त्स्व॒ । अन्ध᳚सः ।
सोमा᳚नाम् । इ॒न्द्र॒ । सो॒म॒॑पाः॒ ॥
सोमा᳚नाम् । इ॒न्द्र॒ । सो॒म॒॑पाः॒ ॥
सायणभाष्यम् (Sayana Commentary)
हे वसो यज्ञनिवासकेन्द्र त्वमस्मे अस्मासु यजमानेष्वर्वाचीनोऽभिमुखो भव । तथा हे सोमपाः सोमानां पातरिन्द्र त्वं सोमानामन्धसोऽन्नेन सु सुष्ठु मत्स्व । माद्य ॥ १४ ॥