भू॒रि॒दा ह्यसि᳚ श्रु॒तः पु᳚रु॒त्रा शू᳚र वृत्रहन् ।
आ नो᳚ भजस्व॒ राध᳚सि ॥
आ नो᳚ भजस्व॒ राध᳚सि ॥
पदपाठः (Word-by-word)
भू॒रि॒॑दाः । हि । असि᳚ । श्रु॒तः । पु॒रु॒॑त्रा । शू॒र॒ । वृ॒त्र॒॑ह॒न् ।
आ । नः॒ । भ॒ज॒स्व॒ । राध᳚सि ॥
आ । नः॒ । भ॒ज॒स्व॒ । राध᳚सि ॥
सायणभाष्यम् (Sayana Commentary)
हे वृत्रहन्वृत्रस्य हिंसक शूर विक्रान्तेन्द्र भूरिदा बहुप्रदस्त्वं पुरुत्रा पुरुषु बहुषु यजमानेषु श्रुतोऽसि हि । विख्यातो भवसि खलु । राधसि धने नोऽस्माना भजस्व । आ समन्ताद्भागिनः कुरु ॥ २१ ॥