भृमि᳚श्चिद्घासि॒ तूतु᳚जि॒रा चि᳚त्र चि॒त्रिणी॒ष्वा ।
चि॒त्रं कृ᳚णोष्यू॒तये᳚ ॥
चि॒त्रं कृ᳚णोष्यू॒तये᳚ ॥
पदपाठः (Word-by-word)
भृमिः᳚ । चि॒त् । घ॒ । अ॒सि॒ । तूतु᳚जिः । आ । चि॒त्र॒ । चि॒त्रिणी᳚षु । आ ।
चि॒त्रम् । कृ॒णो॒षि॒ । ऊ॒तये᳚ ॥
चि॒त्रम् । कृ॒णो॒षि॒ । ऊ॒तये᳚ ॥
सायणभाष्यम् (Sayana Commentary)
हे चित्र चायनीय पूजनीयेन्द्र त्वं भृमिश्चित् भ्रमणशीलोऽपि तूतुजिर्घासि । अस्मदभीष्टप्रदाता च भवसि । आकारश्चार्थे । चित्रिणीषु चित्रकर्मयुक्तास्वस्मद्रूपासु प्रजासु चित्रं चायनीयं धनमूतये रक्षणाय आ कृणोषि । आ समन्तात्करोषि । घेति पूरणः ॥ २ ॥