स॒हस्रं॒ व्यती᳚नां यु॒क्ताना॒मिन्द्र᳚मीमहे ।
श॒तं सोम᳚स्य खा॒र्य᳚ः ॥
श॒तं सोम᳚स्य खा॒र्य᳚ः ॥
पदपाठः (Word-by-word)
स॒हस्र᳚म् । व्यती᳚नाम् । यु॒क्ताना᳚म् । इन्द्र᳚म् । ई॒म॒हे॒ ।
श॒तम् । सोम᳚स्य । खा॒र्यः᳚ ॥
श॒तम् । सोम᳚स्य । खा॒र्यः᳚ ॥
सायणभाष्यम् (Sayana Commentary)
वयं स्तोतार इन्द्रं परमैश्वर्ययुक्तं युक्तानां शिक्षितानां व्यतीनां गमनवतामश्वानां सहस्रं सहस्रसंख्याकमीमहे । यचामहे । तथा सोमस्याभिषुतसोमस्य शतं शतसंख्याकाः खार्यः खारीरीमहे । अत्र मानविशेषवाचिना खारीशब्देन द्रोणकलश उपलक्ष्यते । आपरिमितद्रोणकलशान् बहून्यज्ञान्याचामह इत्यर्थः ॥ १७ ॥