अ॒भि त्वा॒ गोत᳚मा गि॒रानू᳚षत॒ प्र दा॒वने᳚ ।
इन्द्र॒ वाजा᳚य॒ घृष्व᳚ये ॥
इन्द्र॒ वाजा᳚य॒ घृष्व᳚ये ॥
पदपाठः (Word-by-word)
अ॒भि । त्वा॒ । गोत᳚माः । गि॒रा । अनू᳚षत । प्र । दा॒वने᳚ ।
इन्द्र᳚ । वाजा᳚य । घृष्व᳚ये ॥
इन्द्र᳚ । वाजा᳚य । घृष्व᳚ये ॥
सायणभाष्यम् (Sayana Commentary)
हे इन्द्र त्वा त्वामभि लक्षीकृत्य गोतमा एतन्नामका ऋषयो गिरा स्तुति रूपया वाचा दावने धनदानार्थं प्रानूषत । प्रकर्षेण स्तुवन्ति । घृष्वये महते वाजायान्नाय प्रस्तुवन्ति ॥ ९ ॥