साम᳚ द्वि॒बर्हा॒ महि᳚ ति॒ग्मभृ᳚ष्टिः स॒हस्र᳚रेता वृष॒भस्तुवि᳚ष्मान् ।
प॒दं न गोरप᳚गूळ्हं विवि॒द्वान॒ग्निर्मह्यं॒ प्रेदु᳚ वोचन्मनी॒षाम् ॥
प॒दं न गोरप᳚गूळ्हं विवि॒द्वान॒ग्निर्मह्यं॒ प्रेदु᳚ वोचन्मनी॒षाम् ॥
पदपाठः (Word-by-word)
साम᳚ । द्वि॒॑बर्हाः᳚ । महि᳚ । ति॒ग्म॑भृ᳚ष्टिः । स॒हस्र᳚॑रेताः । वृ॒ष॒भः । तुवि᳚ष्मान् ।
प॒दम् । न । गोः । अप᳚॑गूळ्हम् । वि॒वि॒द्वान् । अ॒ग्निः । मह्य᳚म् । प्र । इत् । ऊं॒ इति᳚ । वो॒च॒त् । म॒नी॒षाम् ॥
प॒दम् । न । गोः । अप᳚॑गूळ्हम् । वि॒वि॒द्वान् । अ॒ग्निः । मह्य᳚म् । प्र । इत् । ऊं॒ इति᳚ । वो॒च॒त् । म॒नी॒षाम् ॥
सायणभाष्यम् (Sayana Commentary)
द्विबर्हा द्वयोर्मध्यमोत्तमयोः स्थानयोः परिवृढस्तिग्मभृष्टिस्तीक्ष्णतेजाः सहस्ररेता बहुविधहिरण्यरेतस्कः रेतः शब्दः सारवाची । प्रभूतसारो वा । वृषभो वर्षिता कामानां तुविष्मान्बहुधन ईदृशोऽयमग्निरत्यन्तगोपितं गोः पदं न नष्टाया गोः पदमिवापगूळ्ःअमत्यन्तरहस्यम् । मनीशाशब्दो ज्ञानवाची सन्नत्र ज्ञातव्ये वर्तते । मनीषां ज्ञातव्यं महि महत्पूज्यं सामास्मदभिमतं स्तोत्रं विविद्वान् विशेषेण जानन् प्रेदु वोचत् । प्रैव ब्रवीतु ॥ ३ ॥