इ॒दाह्न᳚ः पी॒तिमु॒त वो॒ मदं᳚ धु॒र्न ऋ॒ते श्रा॒न्तस्य᳚ स॒ख्याय᳚ दे॒वाः ।
ते नू॒नम॒स्मे ऋ᳚भवो॒ वसू᳚नि तृ॒तीये᳚ अ॒स्मिन्त्सव᳚ने दधात ॥
ते नू॒नम॒स्मे ऋ᳚भवो॒ वसू᳚नि तृ॒तीये᳚ अ॒स्मिन्त्सव᳚ने दधात ॥
पदपाठः (Word-by-word)
इ॒दा । अह्नः᳚ । पी॒तिम् । उ॒त । वः॒ । मद᳚म् । धुः॒ । न । ऋ॒ते । श्रा॒न्तस्य᳚ । स॒ख्याय᳚ । दे॒वाः ।
ते । नू॒नम् । अ॒स्मे इति᳚ । ऋ॒भ॒वः॒ । वसू᳚नि । तृ॒तीये᳚ । अ॒स्मिन् । सव᳚ने । द॒धा॒त॒ ॥
ते । नू॒नम् । अ॒स्मे इति᳚ । ऋ॒भ॒वः॒ । वसू᳚नि । तृ॒तीये᳚ । अ॒स्मिन् । सव᳚ने । द॒धा॒त॒ ॥
सायणभाष्यम् (Sayana Commentary)
इदेदानीं चमसादिनिर्माणानन्तरमह्नः सुत्याहसम्बन्धिनस्तृतीये सवने पीतिं सोमपानमुतापि च मदं तज्जनितं वो युष्माकं धुः । ददुर्देवाः । श्रान्तस्य श्रान्तात्तपोयुक्तादृते सख्याय सखित्वाय न भवन्ति देवाः । यत एते श्रान्ता अतो ददुरित्यर्थः । हे ऋभवस्ते महान्तो यूयं नूनं निश्चयमस्मे अस्मास्वस्मिन् तृतीये सवने वसूनि धनानि दधात । धारयत ॥ ११ ॥