स॒त्यमू᳚चु॒र्नर᳚ ए॒वा हि च॒क्रुरनु᳚ स्व॒धामृ॒भवो᳚ जग्मुरे॒ताम् ।
वि॒भ्राज᳚माना{4}श्चम॒सा{4} अहे॒वावे᳚न॒त्त्वष्टा᳚ च॒तुरो᳚ ददृ॒श्वान् ॥
वि॒भ्राज᳚माना{4}श्चम॒सा{4} अहे॒वावे᳚न॒त्त्वष्टा᳚ च॒तुरो᳚ ददृ॒श्वान् ॥
पदपाठः (Word-by-word)
स॒त्यम् । ऊ॒चुः॒ । नरः᳚ । ए॒व । हि । च॒क्रुः । अनु᳚ । स्व॒धाम् । ऋ॒भवः᳚ । ज॒ग्मुः॒ । ए॒ताम् ।
वि॒॑भ्राज᳚मानान् । च॒म॒सान् । अहा᳚॑इव । अवे᳚नत् । त्वष्टा᳚ । च॒तुरः᳚ । द॒दृ॒श्वान् ॥
वि॒॑भ्राज᳚मानान् । च॒म॒सान् । अहा᳚॑इव । अवे᳚नत् । त्वष्टा᳚ । च॒तुरः᳚ । द॒दृ॒श्वान् ॥
सायणभाष्यम् (Sayana Commentary)
नरो मनुष्यरूपा ऋभवः सत्यमूचुः । सत्यमेवाब्रुवन् । हि यस्मादेश एवैवं चक्रुः । चतुरोऽकुर्वन् । यथोक्तं तथैव कृतत्वादित्यभिप्रायः । अनुचतुर्धाकरनान्तरमेतां तृतीयसवनगतां स्वधां सोमाख्यममृतमृभवो जग्मुः । एकं चमसं चतुरस्कृणोतन साकं देवैर्यज्ञियासो भविष्यथेति श्रुतत्वात् । अथ त्वष्ट्वा देवो विभ्राजमानानहेवाहानीव दीप्यमानांश्च मसांश्चतुरो ददृश्वान्दृश्टवान् सन्नवेनत् । अकामयत । अङ्गीचकारेत्यर्थः ॥ ६ ॥