ता उषस आ सर्वतश्चरन्ति । समना सर्वतः समानाः पुरस्तात्पुर्वस्यां दिशि समानतः समानाद्देशादन्तरिक्षात्समना सर्वतः पप्रथानाः प्रथमाना ऋतस्य यज्ञस्य सदसः सदः । तत्रत्यर्मृत्विग्घविरादिकमित्यर्थः । बुधाना बोधयन्त्यः । अन्तर्भावितण्यर्थोऽयम् । एवं महानुभावा उषसो जरन्ते । स्तूयन्ते । गवां सर्गा न उदकानां सृष्टय इव । गवां सर्गा न रश्मयः । ऋग्वे. ४-५२-५ । इति हि श्रुतम् । ता यथा सर्वत्र प्रसङ्गादुपकारत्वाच्च स्तूयन्ते तद्वत् ॥ ८ ॥