तव॒ त्ये अ᳚ग्ने ह॒रितो᳚ घृत॒स्ना रोहि᳚तास ऋ॒ज्वञ्च॒ः स्वञ्च᳚ः ।
अ॒रु॒षासो॒ वृष᳚ण ऋजुमु॒ष्का आ दे॒वता᳚तिमह्वन्त द॒स्माः ॥
अ॒रु॒षासो॒ वृष᳚ण ऋजुमु॒ष्का आ दे॒वता᳚तिमह्वन्त द॒स्माः ॥
पदपाठः (Word-by-word)
तव᳚ । त्ये । अ॒ग्ने॒ । ह॒रितः᳚ । घृ॒त॒॑स्नाः । रोहि᳚तासः । ऋ॒जु॒॑अञ्चः᳚ । सु॒॑अञ्चः᳚ ।
अ॒रु॒षासः᳚ । वृष᳚णः । ऋ॒जु॒॑मु॒ष्काः । आ । दे॒व॑ता᳚तिम् । अ॒ह्व॒न्त॒ । द॒स्माः ॥
अ॒रु॒षासः᳚ । वृष᳚णः । ऋ॒जु॒॑मु॒ष्काः । आ । दे॒व॑ता᳚तिम् । अ॒ह्व॒न्त॒ । द॒स्माः ॥
सायणभाष्यम् (Sayana Commentary)
हे अगेन् त्ये ते प्रसिद्धास्तव हरितस्त्वत्सम्बन्धिनोऽश्वा देवतातिमस्मदीयं यागं प्रत्याह्वन्त । ऋत्विग्भिराहूयन्ते । लुङि लिपोसिचिह्वश्चेत्यङादेशः । कीदृशाः । घृतस्ना घृतस्नुवो बलातिशयान्नासापुटादिस्थानेभ्य उदकं क्शरन्तो रोहितासो रोहिता लोहितवर्णा ऋज्वञ्चः । ऋज्वकुटिलमञ्चन्ति गाच्छन्तीत्यृज्वञ्चः । स्वञ्च सुष्ठु गच्छन्तः । अरुषास आरोचमाना वृषणो युवानो वर्षितारो वा । वाषपूर्वस्य निगम इति विकल्पेन दीर्घविधानादत्र दीर्घाभावः । ऋजुमुष्काः साधनमुष्का दस्मा दर्शनीयाः ॥ ९ ॥