हे इन्द्र देवास्त्वां जिव्रयो न जीर्णाः प्रवृद्धाः पितरो यूनः पुत्रानिवावासृजन्त । असुरवधार्थं प्रैरयन् । ततो हे इन्द्र सत्ययोनिः सत्यनिवासस्त्वं सम्राट् सर्वेषाम् लोकानामधीश्वरो भुवः । अभवः । अर्ण उदकं लक्षीक्रुत्य परिशयानं परितः समन्ताच्छयनं कुर्वन्तमहिं वृत्रासुरमहन् । अवधीः । विश्वाधेना विश्वस्य प्रीणयित्रीर्वर्तनीः सर्वत्र प्रवर्तिका सदीः प्रारदः । प्रकर्षेण विलेखनं क्रुतवानसि । इन्द्रो वृत्रं हत्वा तेनावृतान्युदकानि प्रवाहरूपेण प्रवर्तयतीत्यर्थः ॥ २ ॥