हे शवसो नपातो बलस्य न पातयितारस्तस्य पुत्रावा । बलवन्त इत्यर्थः । यूयं नमसा स्तोत्रेण हूयमाना अकारिताः सन्त इमं यज्ञमुपा यातन । उपागच्छत । कीदृशा यूयम् । सजोषस इन्द्रेण सह प्रीताः सूरयो मेधाविनः । इन्द्रस्य चैषां च कः प्रसङ्ग इत्युच्यते । यस्य च स्थ । चेति प्रसिद्धौ । यस्येन्द्रस्य सम्बन्धिनो यूयं भवथ तदुचिताश्च निर्माणादित्यभिप्रायः । यस्मादेवं तस्मादिन्द्रवन्तः प्रीतेनेन्द्रेण तद्वन्तो रत्नधा रमणीयधनानां दातारो यूयम् मध्वो मधुरं सोमं पात । पिबत ॥ ६ ॥