हे इन्द्र त्वं वरुणेन रात्र्यभिमानिदेवेन सजोषाः समानप्रीतिः सन् सोमं पाहि । पिब । हे गिर्वणो गीर्भिर्वननीय सम्भजनीयेन्द्र त्वं मरुद्भिः सजोषाः सङ्गतः सन् सोमं पाहि । पिब । किञ्च अग्रेपाभिः प्रथमपातृभिऋतुपाभिऋतुयाजदेवैश्च ग्नाःपत्नीभिः । स्त्रीणां पालयित्र्यो देव्यो ग्नाःपत्न्यः । ताभिः । मेनाब्ना इति स्त्रीणामिति निरुक्तम् । ३-२१ । रत्नधाभी रमणीयधनदातृभिऋभुभिः सह पिब । यद्वा । एतत् ग्नाःपत्नीभिरित्यस्य विशेषनम् । ताभिर्वा सजोषाः सोमं पिब ॥ ७ ॥