यजमानो ब्रूते । होतर्होमनिष्पादक हे अग्ने स्वे स्वकीये लोक उत्तरवेद्या नाभौ सीदो त्वं होमनिमित्तमुपविशैव । तथा चिकित्वान् ज्ञानवांस्त्वं सुकृतस्य सुकृतजन्योपभोगस्य योनौ स्थान उत्तमलोके यज्ञं यज्ञस्य कर्तारं यजमानं सादय । स्थापय । किञ्च देवावीः । देवान् हविष्प्रदानेनावतीति देवावीः । तादृशस्त्पं हविषा पुरोडाशादिलक्षणेन हव्येन देवान् यजासि । यज । अथ त्वं यजमाने यागं कुर्वाणे मयि बृहत्प्रभूतं पशुपुत्रादि समेतं वयोऽन्नं धाः । विधेहि ॥ सीद । सदेर्लोटि रूपम् । सादय । सदेर्ण्यं तस्य लोटिरूपम् । णिच् स्वरः । देवावीः । अव रक्षणादिषु । अवितॄस्तृतन्त्रिभ्यः ईरितीप्रत्ययः । कृदुत्तरपदस्वरः । यजासि । यजेर्लेट्याडागमः । धाः । दधातेश्छान्दसे लुङि रूपं ॥ ८ ॥