इ॒मं नर॒ः पर्व᳚ता॒स्तुभ्य॒माप॒ः समि᳚न्द्र॒ गोभि॒र्मधु᳚मन्तमक्रन् ।
तस्या॒गत्या᳚ सु॒मना᳚ ऋष्व पाहि प्रजा॒नन्वि॒द्वान्प॒थ्या॒३॒᳚ अनु॒ स्वाः ॥
तस्या॒गत्या᳚ सु॒मना᳚ ऋष्व पाहि प्रजा॒नन्वि॒द्वान्प॒थ्या॒३॒᳚ अनु॒ स्वाः ॥
पदपाठः (Word-by-word)
इ॒मम् । नरः᳚ । पर्व᳚ताः । तुभ्य᳚म् । आपः᳚ । सम् । इ॒न्द्र॒ । गोभिः᳚ । मधु᳚॑मन्तम् । अ॒क्र॒न् ।
तस्य᳚ । आ॒॑गत्य᳚ । सु॒॑मनाः᳚ । ऋ॒ष्व॒ । पा॒हि॒ । प्र॒॑जा॒नन् । वि॒द्वान् । प॒थ्याः᳚ । अनु᳚ । स्वाः ॥
तस्य᳚ । आ॒॑गत्य᳚ । सु॒॑मनाः᳚ । ऋ॒ष्व॒ । पा॒हि॒ । प्र॒॑जा॒नन् । वि॒द्वान् । प॒थ्याः᳚ । अनु᳚ । स्वाः ॥
सायणभाष्यम् (Sayana Commentary)
हे इन्द्र नरः कर्मणां नेतारोऽध्वय्वादयः पर्वता ग्रावाण आपश्चैते सर्व सम्भूय तुभ्यं त्वदर्थमिमं सोमं गोभिः पयोभिर्मधुमन्तं माधुर्योपेतं समक्रन् । सम्यगकार्षुः । ऋष्व दर्शनीय हे इन्द्र सुमन्सः शोभनमनस्को विद्वान्कर्माभिज्ञः स्वाः स्वकीयाः पथ्या वैदिके पथि कर्मणि साधुभूताः स्तुतीरनु प्रजानन् त्वं तस्य पाहि । इममभिषुतं सोमं पिब । अक्रन् । करोतेर्लुङि रूपम् । निघातः । आगत्य । गमेर्ल्यपि रूपम् । लित्स्वरः । पाहि । पातेर्लोटि रूपं ॥ ८ ॥