इन्द्रं॒ कामा᳚ वसू॒यन्तो᳚ अग्म॒न्त्स्व᳚र्मीळ्हे॒ न सव᳚ने चका॒नाः ।
श्र॒व॒स्यवः᳚ शशमा॒नास᳚ उ॒क्थैरोको॒ न र॒ण्वा सु॒दृशी᳚व पु॒ष्टिः ॥
श्र॒व॒स्यवः᳚ शशमा॒नास᳚ उ॒क्थैरोको॒ न र॒ण्वा सु॒दृशी᳚व पु॒ष्टिः ॥
पदपाठः (Word-by-word)
इन्द्र᳚म् । कामाः᳚ । व॒सु॒॑यन्तः᳚ । अ॒ग्म॒न् । स्वः᳚॑मीळ्हे᳚ । न । सव᳚ने । च॒का॒नाः ।
श्र॒व॒स्यवः᳚ । श॒श॒मा॒नासः᳚ । उ॒क्थैः । ओकः᳚ । न । र॒ण्वा । सु॒दृशी᳚॑इव । पु॒ष्टिः ॥
श्र॒व॒स्यवः᳚ । श॒श॒मा॒नासः᳚ । उ॒क्थैः । ओकः᳚ । न । र॒ण्वा । सु॒दृशी᳚॑इव । पु॒ष्टिः ॥
सायणभाष्यम् (Sayana Commentary)
कामा राक्शसादिभयनिवारणर्थमिन्द्रं कामयमाना वसूयन्तः पश्वादिधनमिच्छन्तः स्तोतात्र् इन्द्रं परमैश्वर्ययुक्तमग्मन् । गच्छन्ति । वर्तमानार्थे छान्दसो लुङ् । कीदृशाः स्तोतारः । स्वर्मीळ्हे न युद्ध इव सवने यज्ञे चकाना याचामानाः श्रवस्यवोऽन्नकामा उक्थैः स्तोत्रैः शशमानासः शंसमानाः स्तुवन्तः । तदा सोऽयमिन्द्र ओको न स्तोतॄणामावास इव भवति । रण्वा रमणीया सुदृशीव पुष्टिः शोभनदर्शना लक्ष्मीरिव भवति ॥ १५ ॥