अश्वि᳚ना वा॒युना᳚ यु॒वं सु᳚दक्षा नि॒युद्भि᳚ष्च स॒जोष᳚सा युवाना ।
नास᳚त्या ति॒रोअ᳚ह्न्यं जुषा॒णा सोमं᳚ पिबतम॒स्रिधा᳚ सुदानू ॥
नास᳚त्या ति॒रोअ᳚ह्न्यं जुषा॒णा सोमं᳚ पिबतम॒स्रिधा᳚ सुदानू ॥
पदपाठः (Word-by-word)
अश्वि᳚ना । वा॒युना᳚ । यु॒वम् । सु॒॑द॒क्षा॒ । नि॒युत्॑भिः᳚ । च॒ । स॒॑जोष᳚सा । यु॒वा॒ना॒ ।
नास᳚त्या । ति॒रः॑अ᳚ह्न्यम् । जु॒षा॒णा । सोम᳚म् । पि॒ब॒त॒म् । अ॒स्रिधा᳚ । सु॒दा॒नू॒ इति᳚ सु॑दानू ॥
नास᳚त्या । ति॒रः॑अ᳚ह्न्यम् । जु॒षा॒णा । सोम᳚म् । पि॒ब॒त॒म् । अ॒स्रिधा᳚ । सु॒दा॒नू॒ इति᳚ सु॑दानू ॥
सायणभाष्यम् (Sayana Commentary)
सुदक्षा शोभनसामर्थ्योपेतौ युवाना नित्यतरुणौ नासत्या । न विद्यतेऽसत्यं युयोस्तौ । सुदानू शोभनफलस्य दातारौ हे अश्विनौ वायुना नियुद्भिरश्वैश्च सजोषसा सङ्गतौ जुषाणा सोमविषयप्रीतियुक्तावस्रिधानुपक्षीणौ युवं युवां तिरोअह्न्यमह्नि तिरोहिते हूयमानमिमं सोमं पिबतम् । नियुद्भिः । यौतेः क्विप् । तिरो अह्न्यम् । अह्नि भवमह्न्यम् । भवे छन्दसीति यत् । तिरो भूतमह्न्यं यस्मिन्काले स तिरो अह्न्यः । पूर्वपदप्रकृतिस्वरः ॥ ७ ॥