आदित्सूर्योदयादनन्तरं बुबुधानाः पणिभिरपहृता निरोधान्निर्गता गाजानाना अङ्गिरसः पश्चा पृष्थ्यदेशेशु व्यख्यन् । अशेशेण ता ता अपश्यन् । तथादिदनन्तरं द्युभक्तं दीप्तियुक्तं देवैः सम्भक्तं वा रत्नं पणिभिरपहृतं धनं च धारयन्त । अधारयन् । लब्धगोधनानामङ्गिरसां विश्वासु दुर्याअसु सर्वेषु गृहेषु विश्वे यजनीयाः सर्वे देवा आजग्मुः । हे मित्र मित्रभूत हे वरुणोपद्रवाणां वारक हे अग्ने धिये कर्माणां कर्त्रे स्तोत्रे वा यजमानाय सत्यमस्तु । तदेतत्तवोपद्रववारणसामर्थ्यं तद्यथार्थभूतमस्तु । पश्चा । पश्च पश्चा च छन्दसीति निपातितः । बुबुधानाः । बुधेर्लिति कानचि रूपम् । चित्त्वादन्तोदात्तः । द्युभक्तम् । भज सेवायाम् । कर्मणि क्तः । तृतीया कर्मणीति पूर्वपदप्रकृतिस्वरः ॥ १८ ॥