हे इन्द्रावरुणौ रयीयन् रयिमात्मन इच्छन्नयमु पुरुतमो वैदिककर्मप्रवृत्ततयातिशयेन पुरुर्महान्यजमानोऽवसे रक्षणायान्नाय वा वां युवां शश्वत्तमं सर्वदा जोहवीति । भृशमाह्वयति । मरुद्भिर्देवविशेषैर्दिवा पृथिव्या च सजोषौ सङ्गच्छन्तौ युवां मे मम हवं युष्मदीयमाह्वानं शृणुतम् । पुरुतमः । तमपो व्यत्ययेनाद्युदात्तत्वम् । जोहवीति । ह्वयतेर्यङ् लुक्यभ्यस्तस्य चेति सम्प्रसारने रूपम् । दिवा । ऊडिदमिति विभक्तेरुदात्तत्वम् । पृथिव्या । उदात्तयणो हल्पूर्वादित्युदात्तत्वम् । हवम् । ह्वयतेर्भावेऽनुपसर्गस्येत्यप् । प्रत्ययस्य पित्त्वादनुदात्तत्वं ॥ २ ॥