शुचि᳚म॒र्कैर्बृह॒स्पति᳚मध्व॒रेषु᳚ नमस्यत ।
अना॒म्योज॒ आ च᳚के ॥
अना॒म्योज॒ आ च᳚के ॥
पदपाठः (Word-by-word)
शुचि᳚म् । अ॒र्कैः । बृह॒स्पति᳚म् । अ॒ध्व॒रेषु᳚ । न॒म॒स्य॒त॒ ।
अना᳚मि । ओजः᳚ । आ । च॒के॒ ॥
अना᳚मि । ओजः᳚ । आ । च॒के॒ ॥
सायणभाष्यम् (Sayana Commentary)
हे ऋत्विजो यूयमध्वरेषु शुचिं शुद्धं बृहस्पतिमर्कैरर्चनीयैः स्तोत्रैर्नमस्यत । परिचरत । अनाम्यनमनशीलं परैरनभिभवनीयमोजस्तस्य बलमाचके । सर्वतो याचे । बृहस्पतिम् । वनस्पत्यादित्वादुभयपदप्रकृतिस्वरः । चके । कमेर्लिट्युत्तमे मकारलोपश्छान्दसः ॥ ५ ॥