बृह᳚स्पते जु॒षस्व᳚ नो ह॒व्यानि᳚ विश्वदेव्य ।
रास्व॒ रत्ना᳚नि दा॒शुषे᳚ ॥
रास्व॒ रत्ना᳚नि दा॒शुषे᳚ ॥
पदपाठः (Word-by-word)
बृह᳚स्पते । जु॒षस्व᳚ । नः॒ । ह॒व्यानि᳚ । वि॒श्व॒॑दे॒व्य॒ ।
रास्व᳚ । रत्ना᳚नि । दा॒शुषे᳚ ॥
रास्व᳚ । रत्ना᳚नि । दा॒शुषे᳚ ॥
सायणभाष्यम् (Sayana Commentary)
विश्वदेव्य सर्वदेवहित हे बृहस्पते नोऽस्मत्सम्बन्धीनि हव्यानि हवनयोग्यानि पुरोडाशादीनि हवींषिइ जुषस्व । सेवस्व । ततस्त्वं दाशुषे हविर्दत्तवते यजमानाय मह्यं रत्नान्युत्तमानि धनानि रास्व । देहि । रास्व । रा दाने । व्यत्ययेनात्मनेपदं ॥ ४ ॥