भि॒नद्गि॒रिं शव᳚सा॒ वज्र᳚मि॒ष्णन्ना᳚विष्कृण्वा॒नः स᳚हसा॒न ओजः᳚ ।
वधी᳚द्वृ॒त्रं वज्रे᳚ण मन्दसा॒नः सर॒न्नापो॒ जव᳚सा ह॒तवृ᳚ष्णीः ॥
वधी᳚द्वृ॒त्रं वज्रे᳚ण मन्दसा॒नः सर॒न्नापो॒ जव᳚सा ह॒तवृ᳚ष्णीः ॥
पदपाठः (Word-by-word)
भि॒नत् । गि॒रिम् । शव᳚सा । वज्र᳚म् । इ॒ष्णन् । आ॒विः॒॑कृ॒ण्वा॒नः । स॒ह॒सा॒नः । ओजः᳚ ।
वधी᳚त् । वृ॒त्रम् । वज्रे᳚ण । म॒न्द॒सा॒नः । सर᳚न् । आपः᳚ । जव᳚सा । ह॒त॑वृ᳚ष्णीः ॥
वधी᳚त् । वृ॒त्रम् । वज्रे᳚ण । म॒न्द॒सा॒नः । सर᳚न् । आपः᳚ । जव᳚सा । ह॒त॑वृ᳚ष्णीः ॥
सायणभाष्यम् (Sayana Commentary)
सहसानः शत्रूणामभिभवन्नोजस्तेज आविष्कृण्वान आविष्कुर्वन्निन्द्रो वज्रमिष्णिन् वज्रं प्रेरयन् शवसा बलेन गिरिं पर्वतजातं भिनत् । अभिनत् । बिभेद । किञ्च मन्दसानः सोमेन मोदमान इन्द्रो वज्रेण वृत्रं वृत्रनामानमसुरं वधीत् । अवधीत् । जघान । तत आपो वृत्रेणावृतान्युदकानि हतवृष्णीः । हतो वृषा वृत्रो यासां ता हववृष्ण्यः । ता वृत्रवधानन्तरं निवारणरहिताः सत्यो जवसा वेगेन सरन् । असरन् । अगच्छन् ॥ ३ ॥