म॒हा{4} ऋषि᳚र्देव॒जा दे॒वजू॒तो॑स्त᳚भ्ना॒त्सिन्धु᳚मर्ण॒वं नृ॒चक्षा᳚ः ।
वि॒श्वामि᳚त्रो॒ यदव᳚हत्सु॒दास॒मप्रि᳚यायत कुशि॒केभि॒रिन्द्र᳚ः ॥
वि॒श्वामि᳚त्रो॒ यदव᳚हत्सु॒दास॒मप्रि᳚यायत कुशि॒केभि॒रिन्द्र᳚ः ॥
पदपाठः (Word-by-word)
म॒हान् । ऋषिः᳚ । दे॒व॒॑जाः । दे॒व॑जू᳚तः । अस्त᳚भ्नात् । सिन्धु᳚म् । अ॒र्ण॒वम् । नृ॒॑चक्षाः᳚ ।
वि॒श्वामि᳚त्रः । यत् । अव᳚हत् । सु॒॑दास᳚म् । अप्रि᳚यायत । कु॒शि॒केभिः᳚ । इन्द्रः᳚ ॥
वि॒श्वामि᳚त्रः । यत् । अव᳚हत् । सु॒॑दास᳚म् । अप्रि᳚यायत । कु॒शि॒केभिः᳚ । इन्द्रः᳚ ॥
सायणभाष्यम् (Sayana Commentary)
महान् तपसातिशयितसामर्थ्यवानृषिरतीरिन्द्रियार्थद्रष्टा देवजा द्योतमानां तेजसां जनयिता देवजूतस्तैस्तेजोभिराकृष्टो नृचक्षा नृणां कर्मनेतॄणामध्वर्य्वादीनामुपद्रष्टा स विश्वामित्रोऽर्णवमुदकवन्तं सिन्धुं विपाट् च्छुतुद्र्योः सम्भेदमस्तभ्नात् । निरुद्धवेगमकरोत् । किञ्च स विश्वामित्रः सुदासं पैजवनं राजानं यद्यदाहवत् अयाजयत् तदानीमिन्द्रः कुशिकेभिः कुशिकगोत्रोत्पन्नैरृषिभिः सहाप्रियायत । प्रिय इवाचरत् । अवहत् । वह प्रपण इत्यस्य लङि रूपम् । यद्योगादनिघातः । अप्रियायत । अप्रिय इवाचरतीत्यर्थे कर्तुः क्यङ् सलोपश्चेति क्यङ् । तदन्ताल्लङि रूपम् । पादादित्वाद निघातः ॥ ९ ॥