हे यविष्ठ युवतम घृष्टे दीप्तियुक्त । यद्वा । परेषां घर्षणशील हे अग्ने चर्षणिप्रा अपेक्षितप्रदानेन मनुष्याणां कामपुरकः सुप्रणीतिः सूष्ठूत्तरवेद्यां प्रनयनीयस्त्वं सुतसोमाय विधते तव परिचरणं कुर्वते शशमानाय त्वां स्तुवते वाघते यज्ञनिर्वाहकाय यजमानाय पृथु प्रभूतं चन्दर्माह्लादकारि रत्नमुत्तमं धनमवसे रक्षणाय भर । आहर । प्रयच्छेत्यर्थः । सुप्रणीतिः । णिञ् प्रापने । कर्मणि क्तिन् । तदौ च निति कृतीत्यनन्तरप्रशब्दस्योदात्तत्वम् । पृथु श्चन्द्रमित्यत्र सम्हितायां ह्रस्वाच्चन्द्रोत्तरपदे मन्त्र इति सुडागमः । श्चुत्वेन शकारः ॥ १३ ॥