हे असुर बलवन्हे अग्ने एष मदीयोऽयं यज्ञो गोमान् गोभिस्तद्वानविमान् । अवयो मेशा अस्य सन्ति तद्वान् अश्व्यश्वोपेतश्चास्तु । नृवत्सखा । नरः कर्माणां नेतारोऽध्वर्व्यादयस्तद्वन्तः सखायोऽनुष्ठातरो यजमाना यस्य स तथोक्तः । सदमित्सदैवाप्रमृष्योऽप्रधृष्यश्चास्तु । तथेळावान् । इळा हविर्लक्षणमन्नं तद्वान् । प्रजावान्पुत्रपौत्रादियुक्तश्चास्तुफ़् । दीर्घोऽविच्छिन्नानुष्थानोपेतो रयिर्धनवान् । लुप्तमत्वर्थीयः । पृथुबुध्नः । पृथूनि बहुलानि बुध्नानि धनादीनि कारणानि यस्य स तथोक्तः । सभावानुपद्रष्टृरूपसभायुक्तश्चास्तु । नृवत्सखा । नरो येषां सन्तीति नृवत् । मतुप् । तस्य छान्दसं वत्वम् । ह्रस्वनुड्भ्यां मतुबिति मतुप उदात्तत्वम् । बहुव्रीहौ पूर्वपदस्वरः ॥ ५ ॥