यस्य॒ त्यच्छम्ब᳚रं॒ मदे॒ दिवो᳚दासाय र॒न्धयः᳚ ।
अ॒यं स सोम᳚ इन्द्र ते सु॒तः पिब᳚ ॥
अ॒यं स सोम᳚ इन्द्र ते सु॒तः पिब᳚ ॥
पदपाठः (Word-by-word)
यस्य᳚ । त्यत् । शम्ब᳚रम् । मदे᳚ । दिवः᳚॑दासाय । र॒न्धयः᳚ ।
अ॒यम् । सः । सोमः᳚ । इ॒न्द्र॒ । ते॒ । सु॒तः । पिब᳚ ॥
अ॒यम् । सः । सोमः᳚ । इ॒न्द्र॒ । ते॒ । सु॒तः । पिब᳚ ॥
सायणभाष्यम् (Sayana Commentary)
हेइन्द्र यस्यसोमस्यमदेपानेनजनितेहर्षेसति शंबरमसुरं दिवोदासायराज्ञेरंधयः अहिंसीः यद्वा वशीकृतवानसि रध्यतिर्वशगमनइति- यास्कः । त्यदितिक्रियाविशेषणं त्यत्तत्प्रसिद्धं यथा भवतितथाअरन्धयइत्यर्थः हेइन्द्र सोयंसोमस्तेत्वदर्थंसुतोभिषुतः अतस्तंपिब ॥ १ ॥