यो अ᳚द्रि॒भित्प्र᳚थम॒जा ऋ॒तावा॒ बृह॒स्पति᳚राङ्गिर॒सो ह॒विष्मा᳚न् ।
द्वि॒बर्ह᳚ज्मा प्राघर्म॒सत्पि॒ता न॒ आ रोद᳚सी वृष॒भो रो᳚रवीति ॥
द्वि॒बर्ह᳚ज्मा प्राघर्म॒सत्पि॒ता न॒ आ रोद᳚सी वृष॒भो रो᳚रवीति ॥
पदपाठः (Word-by-word)
यः । अ॒द्रि॒॑भित् । प्र॒थ॒म॒॑जाः । ऋ॒त॑वा᳚ । बृह॒स्पतिः᳚ । आ॒ङ्गि॒र॒सः । ह॒विष्मा᳚न् ।
द्वि॒बर्ह᳚॑ज्मा । प्रा॒घ॒र्म॒॑सत् । पि॒ता । नः॒ । आ । रोद᳚सी॒ इति᳚ । वृ॒ष॒भः । रो॒र॒वी॒ति॒ ॥
द्वि॒बर्ह᳚॑ज्मा । प्रा॒घ॒र्म॒॑सत् । पि॒ता । नः॒ । आ । रोद᳚सी॒ इति᳚ । वृ॒ष॒भः । रो॒र॒वी॒ति॒ ॥
सायणभाष्यम् (Sayana Commentary)
योबृहस्पतिः अद्रिभित् पणिभिर्विरचितानां शिलोच्चयानां भेत्ता मेघानां विदारको वा अद्रिः ग्रावेति मेघनामसु पाठात् प्रथमजाः प्रजा- पतेर्वीर्यात् प्रथमं जातः ऋतावा सत्यवानुदकवान्वा अंगिरसः पश्चाज्जातः तथा च निगमः-येंगाराआसंस्तेंगिरसोभवन् यदंगाराःपुनरव- शान्ताउददीप्यन्ततद्बृहस्पतिरभवदिति । हविष्मान् यज्ञभागवान् द्विबर्हज्मा द्वयोर्लोकयोर्बृंहितगमनः प्राघर्मसत् प्रकर्षेण दीप्तस्थाने वर्तमानो नोस्माकं पिता पालयिता भवति सबृहस्पतिः वृषभो वर्षकः सन् रोदसी द्यावापृथिव्यौ आरोरवीति अभिगर्जति ॥ १ ॥