उ॒रौ म॒हा{4} अ᳚निबा॒धे व᳚व॒र्धापो᳚ अ॒ग्निं य॒शस॒ः सं हि पू॒र्वीः ।
ऋ॒तस्य॒ योना᳚वशय॒द्दमू᳚ना जामी॒नाम॒ग्निर॒पसि॒ स्वसॄ᳚णाम् ॥
ऋ॒तस्य॒ योना᳚वशय॒द्दमू᳚ना जामी॒नाम॒ग्निर॒पसि॒ स्वसॄ᳚णाम् ॥
पदपाठः (Word-by-word)
उ॒रौ । म॒हान् । अ॒नि॒॑बा॒धे । व॒व॒र्ध॒ । आपः᳚ । अ॒ग्निम् । य॒शसः᳚ । सम् । हि । पू॒र्वीः ।
ऋ॒तस्य᳚ । योनौ᳚ । अ॒श॒य॒त् । दमू᳚नाः । जा॒मी॒नाम् । अ॒ग्निः । अ॒पसि᳚ । स्वसॄ᳚णाम् ॥
ऋ॒तस्य᳚ । योनौ᳚ । अ॒श॒य॒त् । दमू᳚नाः । जा॒मी॒नाम् । अ॒ग्निः । अ॒पसि᳚ । स्वसॄ᳚णाम् ॥
सायणभाष्यम् (Sayana Commentary)
महानयमग्निः अनिबाधे असंबाधे उरौविस्तीर्णेन्तरिक्षे ववर्ध अस्यवर्धनेकारणमाह—हिय स्मात्कारणात् पूवीर्बह्व्यः यशसः यशोन्नं तद्वत्य आपः अग्निं संवर्धयन्ति एवं अद्भिर्वृद्धिंप्राप्तो ग्निः ऋतस्यउदकस्ययोनौ स्थानेन्तरिक्षेस्थितः स्वसॄणांस्वतःस्सरन्तीनां जामीनां भगिनीस्थानी यानां नदीनांहेतुभूतेअपसिपयसि दमूनाः दान्तमनाःसन् अशयत् शेते ॥ ११ ॥