हे नासत्यावश्विनौ बन्धुपृच्छा । हविष्प्रदातृत्वेन बन्धूनस्मानपेक्षितमर्थं पृच्छत इति बन्धूनां प्रष्टारौ । युवां मे पितरौ पालयितारौ भवतम् । युवयोरश्विनोः सजात्यं सजाते भवं सङ्गतं चारु नाम कमनीयं खलु । हे आश्विनौ युवं युवां नोऽस्मभ्यं रयीणां धनानां मध्ये रयिदावुत्तमस्य धनस्य दातारौ स्थो हि । भवथः खलु । किञ्च अदब्धा केनाप्यतिरस्कृतौ युवां दात्रं हविषां दातारं मामकवैर्कुत्सितैः शोभनैः कर्मभी रक्षेथे । पालयतम् । नानत्या । नभ्राण्नपादित्यादिना निपातनान्नञः प्रकृतिभावः । बन्धुपृच्छा । पृच्छेः क्विप् । सुपां सुलुगिति सुपो डादेशः । सजात्यम् । सजाते भवम् । भवे छन्दसीति यत् । तित्स्वरितः । स्थः । आस्तेर्लटि रूपम् । हियोगादनिघातः ॥ १६ ॥