शृ॒ण्वन्तु᳚ नो॒ वृष᳚ण॒ः पर्व᳚तासो ध्रु॒वक्षे᳚मास॒ इळ᳚या॒ मद᳚न्तः ।
आ॒दि॒त्यैर्नो॒ अदि᳚तिः शृणोतु॒ यच्छ᳚न्तु नो म॒रुत॒ः शर्म᳚ भ॒द्रम् ॥
आ॒दि॒त्यैर्नो॒ अदि᳚तिः शृणोतु॒ यच्छ᳚न्तु नो म॒रुत॒ः शर्म᳚ भ॒द्रम् ॥
पदपाठः (Word-by-word)
शृ॒ण्वन्तु᳚ । नः॒ । वृष᳚णः । पर्व᳚तासः । ध्रु॒व॑क्षे᳚मासः । इळ᳚या । मद᳚न्तः ।
आ॒दि॒त्यैः । नः॒ । अदि᳚तिः । शृ॒णो॒तु॒ । यच्छ᳚न्तु । नः॒ । म॒रुतः᳚ । शर्म᳚ । भ॒द्रम् ॥
आ॒दि॒त्यैः । नः॒ । अदि᳚तिः । शृ॒णो॒तु॒ । यच्छ᳚न्तु । नः॒ । म॒रुतः᳚ । शर्म᳚ । भ॒द्रम् ॥
सायणभाष्यम् (Sayana Commentary)
वृषणोऽभिमतफलसेचका मरुतः पर्वतासः । पृणन्ति पूरयन्त्यर्थिनां कामानिति पर्वता गाव्राभिमानिनो देवाः ध्रुवक्षेमासो निश्चलस्थाना इलयाहविर्लक्षनेनान्नेन मदन्तो माद्यन्तः सन्तो नोऽस्मदीयां स्तुतिं शृण्वन्तु । किञ्च अदित्यैरपत्यभूतैरादित्यैरुपेतादितिर्नोऽस्मदीयां स्तुतिं शृणोतु । मरुतश्च नोऽस्म्भ्यं भद्रं कल्याणकरं शर्म सुखं यच्छन्तु । ददतु । आदित्यैः । अदितेरपत्यानीत्यर्थे दित्यदितिति ण्यः । प्रत्ययस्वरेणान्तोदात्तः । सुपा सहैकादेशे कृत एकादेश उदात्तः ॥ २० ॥