सच᳚स्व ना॒यमव᳚से अ॒भीक᳚ इ॒तो वा॒ तमि᳚न्द्र पाहि रि॒षः ।
अ॒मा चै᳚न॒मर᳚ण्ये पाहि रि॒षो मदे᳚म श॒तहि᳚माः सु॒वीरा᳚ः ॥
अ॒मा चै᳚न॒मर᳚ण्ये पाहि रि॒षो मदे᳚म श॒तहि᳚माः सु॒वीरा᳚ः ॥
पदपाठः (Word-by-word)
सच᳚स्व । ना॒यम् । अव᳚से । अ॒भीके᳚ । इ॒तः । वा॒ । तम् । इ॒न्द्र॒ । पा॒हि॒ । रि॒षः ।
अ॒मा । च॒ । ए॒न॒म् । अर᳚ण्ये । पा॒हि॒ । रि॒षः । मदे᳚म । श॒त॑हि᳚माः । सु॒॑वीराः᳚ ॥
अ॒मा । च॒ । ए॒न॒म् । अर᳚ण्ये । पा॒हि॒ । रि॒षः । मदे᳚म । श॒त॑हि᳚माः । सु॒॑वीराः᳚ ॥
सायणभाष्यम् (Sayana Commentary)
हेइन्द्र त्वं नायं कर्मणांस्तुतीनांचनेतारं अभीके संग्रामे अवसेरक्षणाय सचस्व सेवस्व इतोवाअस्मात् सन्निकृष्टाच्चरिषः शत्रोः अमुतो- विप्रकृष्टाच्छत्रोश्च वाशब्दः अनुक्तेनविवक्षितेनसमुच्चयार्थः हेइन्द्र तंस्तोतारं पाहि रक्ष तथा अमाच गृहेच अमेतिगृहनाम अरण्ये काननेच रिषः शत्रोः पाहि तंरक्ष तदनन्तरं सुवीराः शोभनपुत्रावयं शतहिमाः शतसंवत्सारान्मदेम हृष्याम ॥ १० ॥
यातऊतिरितिनवर्चंद्वितीयंसूक्तं भरद्वाजस्यार्षं त्रैष्टुभमैन्द्रं तथाचानुक्रांतं—यातेनवेति । पृष्ठ्याभिप्लवषडहयोः द्वितीयेहनिइदंसूक्तं निष्केवल्यनिविद्धानं सूत्रितंच—यातऊतिरवमेतिमध्यंदिनइति ।