शची᳚वतस्ते पुरुशाक॒ शाका॒ गवा᳚मिव स्रु॒तयः᳚ सं॒चर᳚णीः ।
व॒त्सानां॒ न त॒न्तय᳚स्त इन्द्र॒ दाम᳚न्वन्तो अदा॒मानः᳚ सुदामन् ॥
व॒त्सानां॒ न त॒न्तय᳚स्त इन्द्र॒ दाम᳚न्वन्तो अदा॒मानः᳚ सुदामन् ॥
पदपाठः (Word-by-word)
शची᳚॑वतः । ते॒ । पु॒रु॒॑शा॒क॒ । शाकाः᳚ । गवा᳚म्॑इव । स्रु॒तयः᳚ । स॒म्॑चर᳚णीः ।
व॒त्साना᳚म् । न । त॒न्तयः᳚ । ते॒ । इ॒न्द्र॒ । दाम᳚न्॑वन्तः । अ॒दा॒मानः᳚ । सु॒॑दा॒म॒न् ॥
व॒त्साना᳚म् । न । त॒न्तयः᳚ । ते॒ । इ॒न्द्र॒ । दाम᳚न्॑वन्तः । अ॒दा॒मानः᳚ । सु॒॑दा॒म॒न् ॥
सायणभाष्यम् (Sayana Commentary)
हेपुरुशाक बहुकर्मन्निन्द्र शचीवतः प्रज्ञावतस्तेत्वदीयाः शाकाः शक्तयःकर्माणिवा सर्वतः संचरन्तीतिशेषः तत्रदृष्टान्तः—गवामिव धे- नूनांस्रुतयोमार्गाः यथा संचरणीः सर्वत्रसंचारिणोभवन्तितद्वत् अपिच वत्सानां न तंतयः तंतिर्नामदीर्घप्रसारितारज्जुः तत्रनियतैर्विशाख- दामभिः बहवोवत्साबध्यन्ते यथा तन्तयोबहुनांवत्सानांबन्धकाः हेसुदामन् शोभनदामेन्द्र तथा तेत्वदीयाः शाकाः दामन्वन्तः बंधनवन्तः बहूनांशत्रूणांबंधकाः अदामानः स्वयमन्यैरबद्धाः ॥ ४ ॥