वैश्वा᳚नर॒ तव॒ तानि᳚ व्र॒तानि᳚ म॒हान्य᳚ग्ने॒ नकि॒रा द᳚धर्ष ।
यज्जाय᳚मानः पि॒त्रोरु॒पस्थे॑वि᳚न्दः के॒तुं व॒युने॒ष्वह्ना᳚म् ॥
यज्जाय᳚मानः पि॒त्रोरु॒पस्थे॑वि᳚न्दः के॒तुं व॒युने॒ष्वह्ना᳚म् ॥
पदपाठः (Word-by-word)
वैश्वा᳚नर । तव᳚ । तानि᳚ । व्र॒तानि᳚ । म॒हानि᳚ । अ॒ग्ने॒ । नकिः᳚ । आ । द॒ध॒र्ष॒ ।
यत् । जाय᳚मानः । पि॒त्रोः । उ॒प॑स्थे᳚ । अवि᳚न्दः । के॒तुम् । व॒युने᳚षु । अह्ना᳚म् ॥
यत् । जाय᳚मानः । पि॒त्रोः । उ॒प॑स्थे᳚ । अवि᳚न्दः । के॒तुम् । व॒युने᳚षु । अह्ना᳚म् ॥
सायणभाष्यम् (Sayana Commentary)
हेवैश्वानर विश्वेषांनराणांसंबन्धिन्नग्ने तव त्वदीयानि तानि प्रसिद्धानि व्रतानि कर्माणि महानि महान्ति नकिरादधर्ष नकश्चनान्योध- र्षयति बाधते यद्यदा त्वं पित्रोर्द्यावापृ थिव्योरुपस्थे उपस्थानेन्तरिक्षे वयुनेषु गन्तव्येषुमार्गेषु जायमानः सन् अह्नांकेतुं प्रज्ञापकंसूर्यं स्वर्भानुनावृतं अविन्दः अलम्भयः तमोरूपमसुरं स्वतेजसानिवारयन् अस्थापयइत्यर्थः तदा तानिव्रतानीति पूर्वत्रान्वयः ॥ ५ ॥