न॒हि नु ते᳚ महि॒मनः᳚ समस्य॒ न म᳚घवन्मघव॒त्त्वस्य᳚ वि॒द्म ।
न राध᳚सोराधसो॒ नूत᳚न॒स्येन्द्र॒ नकि᳚र्ददृश इन्द्रि॒यं ते᳚ ॥
न राध᳚सोराधसो॒ नूत᳚न॒स्येन्द्र॒ नकि᳚र्ददृश इन्द्रि॒यं ते᳚ ॥
पदपाठः (Word-by-word)
न॒हि । नु । ते॒ । म॒हि॒मनः᳚ । स॒म॒स्य॒ । न । म॒घ॒॑व॒न् । म॒घ॒व॒त्॑त्वस्य᳚ । वि॒द्म ।
न । राध᳚सः॑राधसः । नूत᳚नस्य । इन्द्र᳚ । नकिः᳚ । द॒दृ॒शे॒ । इ॒न्द्रि॒यम् । ते॒ ॥
न । राध᳚सः॑राधसः । नूत᳚नस्य । इन्द्र᳚ । नकिः᳚ । द॒दृ॒शे॒ । इ॒न्द्रि॒यम् । ते॒ ॥
सायणभाष्यम् (Sayana Commentary)
हेमघवन्धनवन्निन्द्र ते त्वदीयस्य समस्य समस्तस्य महिमनोमहिम्नोमहिमानं नहि विद्म वयंनजानीमः नुशब्दःपूरणः तथा मघव- त्त्वस्य त्वदीयस्यधनिकत्त्वस्यच वयं नजानीमः नूतनस्य स्तुत्यस्य राधसोराधसः त्वदीयं सर्वंधनंच नजानीमः सर्वत्रद्वितीयार्थेषष्ठी हेइन्द्र ते त्वदीयं इन्द्रियंसामर्थ्यं नकिर्ददृशे केनापिनद्रुश्यते ॥ ३ ॥