स नो᳚ वि॒भावा᳚ च॒क्षणि॒र्न वस्तो᳚र॒ग्निर्व॒न्दारु॒ वेद्य॒श्चनो᳚ धात् ।
वि॒श्वायु॒र्यो अ॒मृतो॒ मर्त्ये᳚षूष॒र्भुद्भूदति᳚थिर्जा॒तवे᳚दाः ॥
वि॒श्वायु॒र्यो अ॒मृतो॒ मर्त्ये᳚षूष॒र्भुद्भूदति᳚थिर्जा॒तवे᳚दाः ॥
पदपाठः (Word-by-word)
सः । नः॒ । वि॒भा॑वा᳚ । च॒क्षणिः᳚ । न । वस्तोः᳚ । अ॒ग्निः । व॒न्दारु᳚ । वेद्यः᳚ । चनः᳚ । धा॒त् ।
वि॒श्व॑आ᳚युः । यः । अ॒मृतः᳚ । मर्त्ये᳚षु । उ॒षः॒॑भुत् । भूत् । अति᳚थिः । जा॒त॑वे᳚दाः ॥
वि॒श्व॑आ᳚युः । यः । अ॒मृतः᳚ । मर्त्ये᳚षु । उ॒षः॒॑भुत् । भूत् । अति᳚थिः । जा॒त॑वे᳚दाः ॥
सायणभाष्यम् (Sayana Commentary)
वस्तोरहनि चक्षणिर्न प्रकाशकःसूर्यइव विभावा विशेषेणदीप्यमानः वेद्यः सर्वैर्ज्ञातव्योलम्भनीयोवा सोग्निः नोस्मभ्यं वन्दारु वन्द- नीयं स्तुत्यं चनः अन्नं धात् दधातु प्रयच्छत्वित्यर्थः विश्वायुः सर्वान्नः सर्वेषांजीवनहेतुर्वा अमृतोमरणरहितः अतिथिर्हविर्वहनाय सतत- गामी जातवेदाः जातानांवेदिता जातधनोवा एवंभूतोयोग्निः मर्त्येषु मनुष्येषु यजमानेषुउषर्भुद्भूदुषःकालेअग्निहोमार्थंप्रबुद्धोभवति सइतिपूर्वत्रान्वयः ॥ २ ॥