नू नो᳚ अग्ने॑वृ॒केभि᳚ः स्व॒स्ति वेषि᳚ रा॒यः प॒थिभि॒ः पर्ष्यंहः᳚ ।
ता सू॒रिभ्यो᳚ गृण॒ते रा᳚सि सु॒म्नं मदे᳚म श॒तहि᳚माः सु॒वीरा᳚ः ॥
ता सू॒रिभ्यो᳚ गृण॒ते रा᳚सि सु॒म्नं मदे᳚म श॒तहि᳚माः सु॒वीरा᳚ः ॥
पदपाठः (Word-by-word)
नु । नः॒ । अ॒ग्ने॒ । अ॒वृ॒केभिः᳚ । स्व॒स्ति । वेषि᳚ । रा॒यः । प॒थि॑भिः᳚ । पर्षि᳚ । अंहः᳚ ।
ता । सूरि॑भ्यः᳚ । गृ॒ण॒ते । रा॒सि॒ । सु॒म्नम् । मदे᳚म । श॒त॑हि᳚माः । सु॒॑वीराः᳚ ॥
ता । सूरि॑भ्यः᳚ । गृ॒ण॒ते । रा॒सि॒ । सु॒म्नम् । मदे᳚म । श॒त॑हि᳚माः । सु॒॑वीराः᳚ ॥
सायणभाष्यम् (Sayana Commentary)
हेअग्ने नोस्मान् अवृकेभिः वृकास्तेनास्तद्रहितैः पथिभिर्मार्गैः रायोधनानि नु क्षिप्रं स्वस्ति क्षेमेण वेषि गमयप्रापय अंहः अंहसः पापात् पर्षि उक्तलक्षणैर्मार्गैः पारयचास्मान् यानि त्वया सूरिभ्यः स्तोतृभ्योदेयानि सुम्नानि ता तानि सुम्नं सुम्नानि सुखानि गृणते स्तुवते मह्यं रासि देहि वयंच शतहिमाः शतंहेमंतान् संवत्सरान् सुवीराः वीर्याज्जायन्तइतिवीराःपुत्रादयः शोभनपुत्रादिसहिताः सन्तोमदेम हृष्याम ॥ ८ ॥
हुवेवइतिसप्तर्चंपञ्चमंसूक्तं भरद्वाजस्यार्षं त्रैष्टुभमाग्नेयं तथाचानुक्रम्यते-हुवेवःसप्तेति प्रातरनुवाकाश्विनशस्त्रयोरुक्तोविनियोगः ।