अ॒वि॒प्रे चि॒द्वयो॒ दध᳚दना॒शुना᳚ चि॒दर्व᳚ता ।
इन्द्रो॒ जेता᳚ हि॒तं धन᳚म् ॥
इन्द्रो॒ जेता᳚ हि॒तं धन᳚म् ॥
पदपाठः (Word-by-word)
अ॒वि॒प्रे । चि॒त् । वयः᳚ । दध᳚त् । अ॒ना॒शुना᳚ । चि॒त् । अर्व᳚ता ।
इन्द्रः᳚ । जेता᳚ । हि॒तम् । धन᳚म् ॥
इन्द्रः᳚ । जेता᳚ । हि॒तम् । धन᳚म् ॥
सायणभाष्यम् (Sayana Commentary)
अविप्रेचित् विप्रःस्तोता तद्विलक्षणेपिपुरुषे वयोन्नंदधत्इन्द्रोधारयति किमुवक्तव्यंस्तोतरिधारयतीति सइन्द्रःअनाशुनाचित्अक्षिप्र- गमनेनापिअर्वता अश्वेनहितं शत्रुषुनिहितंस्थापितं धनंजेता जयशीलोभवती जयतेस्ताच्छीलिकस्तृन् अतोनलोकाव्ययेतिषष्ठीप्रतिषेधः ॥ २ ॥